ഒക്ടോബർ 23-ന് ദുബായിൽനിന്ന് കൊച്ചി വിമാനത്താവളത്തിലെത്തിയപ്പോഴാണ് അജാസും കസ്റ്റംസ് ഉദ്യോഗസ്ഥരും തമ്മിൽ തർക്കമുണ്ടായത്. കൈവശമുണ്ടായിരുന്ന പുതിയ ഐഫോൺ 18 പ്രോയ്ക്ക് തീരുവ അടയ്ക്കണമെന്ന് ഉദ്യോഗസ്ഥർ ആവശ്യപ്പെട്ടതായാണ് അദ്ദേഹം പറയുന്നത്.കൈവശം അധികമായി ഒരു പുതിയ ഫോൺ കൂടി ഉണ്ടായിരുന്നതിനാൽ, അദ്ദേഹത്തിന്റെ കൈവശമുള്ള വസ്തുക്കളുടെ ആകെ മൂല്യം നികുതിരഹിത പരിധിയായ 2,890 ദിർഹത്തിന് (ഏകദേശം 75,000 രൂപ) മുകളിലായെന്ന് കസ്റ്റംസ് ഉദ്യോഗസ്ഥർ ആവശ്യപ്പെടുകയായിരുന്നു.ഏകദേശം 20,000 മുതൽ 30,000 രൂപ വരെ വരാവുന്ന ഇറക്കുമതി/കസ്റ്റംസ് തീരുവ അടയ്ക്കണമെന്നായിരുന്നു ആവശ്യം.
നാല് വർഷമായി ഉപയോഗിച്ചിരുന്ന ഐഫോൺ 14 തന്റെയടുത്തുണ്ടായിരുന്നതിനാലാണ് പുതിയ ഫോണിന് തീരുവ ആവശ്യപ്പെട്ടതെന്ന് അജാസ് പറഞ്ഞു. പുതിയ ഫോൺ വ്യക്തിപരമായ ഉപയോഗത്തിനുള്ളതാണെന്ന് അറിയിച്ചിട്ടും കസ്റ്റംസ് ഉദ്യോഗസ്ഥർ അത് പിടിച്ചെടുത്തുവെന്നും അദ്ദേഹം ആരോപിച്ചു.
- പ്രതിഷേധ വീഡിയോയ്ക്ക് 40 ലക്ഷം കാഴ്ചക്കാർ
വീഡിയോയ്ക്ക് 40 ലക്ഷത്തിലധികം കാഴ്ചക്കാർ ലഭിച്ചതായാണ് റിപ്പോർട്ട്. നിരവധി പേർ അജാസിന്റെ നിലപാടിനെ പിന്തുണച്ച് രംഗത്തെത്തി. ഇതിനിടെ, വിമാനത്താവളത്തിലെ സംഭവവുമായി ബന്ധപ്പെട്ട് CISF ഉദ്യോഗസ്ഥർ അദ്ദേഹത്തെ പുറത്തേക്ക് കൊണ്ടുപോയതായും ഔദ്യോഗിക കൃത്യനിർവഹണം തടസ്സപ്പെടുത്തിയെന്നാരോപിച്ച് കസ്റ്റംസ് ഉദ്യോഗസ്ഥർ പരാതി നൽകിയതായും റിപ്പോർട്ടിലുണ്ട്.
- ഒത്തുതീർപ്പിന് ശ്രമിച്ചെങ്കിലും വഴങ്ങിയില്ലെന്ന് അജാസ്
ചെറിയൊരു തുക തീരുവയായി അടച്ച് ഫോൺ തിരിച്ചുവാങ്ങാമെന്ന് ഉദ്യോഗസ്ഥൻ നിർദേശിച്ചെങ്കിലും താൻ അതിന് തയ്യാറായില്ലെന്നാണ് അജാസിന്റെ വിശദീകരണം.
കസ്റ്റംസ് ചട്ടങ്ങളിലെ അവ്യക്തത ഉദ്യോഗസ്ഥർക്ക് അമിതമായ വിവേചനാധികാരം നൽകുന്നുവെന്നും ഇത്തരം പ്രശ്നങ്ങൾ പരിഹരിക്കാൻ നിയമങ്ങളിൽ വ്യക്തത വരുത്തണമെന്നും അദ്ദേഹം ആവശ്യപ്പെട്ടു. പ്രവാസികൾ നേരിടുന്ന നിയമപരമായ സങ്കീർണതകൾക്കെതിരെ ശക്തമായ നിലപാട് സ്വീകരിക്കാനാണ് തന്റെ തീരുമാനമെന്നും അദ്ദേഹം വ്യക്തമാക്കി.
- ഐഫോൺ തിരിച്ചുകിട്ടാൻ കോടതിയെ സമീപിക്കും
ന്യൂസ്‌റൂം വാർത്തകളും ജോലി സംബന്ധമായ അറിയിപ്പുകളും മുടങ്ങാതെ ലഭിക്കാൻ :
വാട്സ് ആപ്
???? https://chat.whatsapp.com/BiNNQsir7LfDXPzQgmIZ53?s=cl&p=a&mlu=4&ilr=4
ഇൻസ്റ്റഗ്രാം
???? https://www.instagram.com/newsroomme/?hl=en
????വാർത്തകൾ അറിയിക്കാനും പരസ്യങ്ങൾക്കും 52000719
