എൽ നിനോ ശക്തമാകുന്നു; യുഎഇയിൽ ഇത്തവണ കൂടുതൽ മഴയ്ക്ക് സാധ്യത
പസഫിക് സമുദ്രത്തിലാണ് 'എൽ നിനോ'യുടെ നേരിട്ടുള്ള പ്രത്യാഘാതങ്ങൾ കേന്ദ്രീകരിച്ചിരിക്കുന്നതെന്നും, യുഎഇയിലുള്ള ഇതിന്റെ സ്വാധീനം പരോക്ഷമാണെന്നും എൻസിഎം വിശദീകരിച്ചു. ഇതൊരു സ്വാഭാവിക കാലാവസ്ഥാ പ്രതിഭാസമാണെന്നും അവർ കൂട്ടിച്ചേർത്തു.ഈ പ്രതിഭാസം ലോകമെമ്പാടും തികച്ചും വ്യത്യസ്തമായ കാലാവസ്ഥാ സാഹചര്യങ്ങൾ സൃഷ്ടിച്ചേക്കാം. ചിലയിടങ്ങളിൽ വരൾച്ച അനുഭവപ്പെടുമ്പോൾ മറ്റു ചിലയിടങ്ങളിൽ സാധാരണയിലും അധികം മഴ ലഭിച്ചേക്കാം. മഴയുടെ അളവ് വർധിക്കുമെന്ന് പ്രതീക്ഷിക്കപ്പെടുന്ന പ്രദേശങ്ങളിൽ യുഎഇയും ഉൾപ്പെടുന്നതായി അധികൃതർ വ്യക്തമാക്കി.
ഈ വർഷം എൽ നിനോ (El Niño) ശക്തമാണെങ്കിലും, ഇത് രാജ്യത്ത് മഴ വർദ്ധിക്കുന്നതിന്റെ സൂചനയാകാമെന്ന് എൻ.സി.എം (NCM) വിലയിരുത്തി.യു.എ.ഇ-യിൽ ചില സമയങ്ങളിൽ ശക്തമായ മഴയ്ക്കും ഇത് കാരണമായേക്കാം.
നിലവിൽ കാലാവസ്ഥാ സാഹചര്യങ്ങൾ സ്ഥിരതയുള്ളതാണെന്നും അവ സൂക്ഷ്മമായി നിരീക്ഷിച്ചുവരികയാണെന്നും അധികൃതർ പൊതുജനങ്ങൾക്ക് ഉറപ്പുനൽകി.
ന്യൂസ്റൂം വാർത്തകളും തൊഴിലവസരങ്ങളും മുടങ്ങാതെ ലഭിക്കാൻ ഇവിടെ ക്ലിക്ക് ചെയ്ത് വാട്സ് ആപ് ലിങ്കിൽ ജോയിൻ ചെയ്യുക
https://chat.whatsapp.com/BiNNQsir7LfDXPzQgmIZ53?s=cl&p=a&mlu=4&ilr=4
