അടിയന്തര സന്ദേശം; ലണ്ടൻ-ഷിക്കാഗോ ബ്രിട്ടീഷ് എയർവേസ് വിമാനം ലണ്ടനിലേക്ക് തിരിച്ചുവിട്ടു
ഏവിയേഷൻ വാർത്താ ശൃംഖലയായ 'എയർലൈവ്' (AIRLIVE) ആണ് ഇക്കാര്യം റിപ്പോർട്ട് ചെയ്തത്. പ്രാദേശിക സമയം രാവിലെ 11:50-ന് ലണ്ടൻ ഹീത്രൂ വിമാനത്താവളത്തിലെ ടെർമിനൽ 5-ൽ നിന്ന് ഷിക്കാഗോ ഓഹെയർ അന്താരാഷ്ട്ര വിമാനത്താവളത്തിലേക്കാണ് വിമാനം യാത്ര തിരിച്ചത്.യാത്ര തുടങ്ങി ഏകദേശം ഒരു മണിക്കൂറിനുശേഷം, 37,000 അടി ഉയരത്തിലെത്തിയ വിമാനം അയർലൻഡിന്റെ വ്യോമാതിർത്തിയിൽ വെച്ച് പെട്ടെന്ന് താഴേക്ക് ഇറക്കുകയായിരുന്നു.പൊതുവായ അടിയന്തര സാഹചര്യം സൂചിപ്പിക്കുന്ന '7700' എന്ന അന്താരാഷ്ട്ര അടിയന്തര കോഡും വിമാനജീവനക്കാർ കൈമാറി. പിന്നീട് വിമാനം ഏകദേശം 9,000 അടി ഉയരത്തിൽ സ്ഥിരത കൈവരിച്ച ശേഷം ലണ്ടനിലേക്കുള്ള യാത്ര തുടരുകയായിരുന്നു.
യാത്രക്കാർക്കോ ജീവനക്കാർക്കോ പരിക്കേറ്റതായി റിപ്പോർട്ടുകളില്ല. വിമാനം യുകെയിലേക്ക് തിരികെ വരുമ്പോൾ, മുൻകരുതൽ നടപടിയെന്ന നിലയിൽ,വിമാനത്താവളത്തിലെ അടിയന്തര സേനാ വിഭാഗങ്ങളെ സജ്ജമാക്കി നിർത്തിയിരുന്നു.അതേസമയം, അടിയന്തര സാഹചര്യം പ്രഖ്യാപിക്കാനും വിമാനം പെട്ടെന്ന് താഴേക്ക് ഇറക്കാനും തിരിച്ചുവിടാനുമുണ്ടായ കാരണത്തെകുറിച്ചുള്ള കൃത്യമായ വിവരങ്ങൾ ഇതുവരെ പുറത്തുവിട്ടിട്ടില്ല.
ന്യൂസ്റൂം വാർത്തകളും തൊഴിലവസരങ്ങളും മുടങ്ങാതെ ലഭിക്കാൻ ഇവിടെ ക്ലിക്ക് ചെയ്ത് വാട്സ് ആപ് ലിങ്കിൽ ജോയിൻ ചെയ്യുക
https://chat.whatsapp.com/BiNNQsir7LfDXPzQgmIZ53?s=cl&p=a&mlu=4&ilr=4
വാർത്തകൾ അറിയിക്കാനും പരസ്യങ്ങൾക്കും 52000719 എന്ന നമ്പറിൽ മാത്രം ബന്ധപ്പെടുക
