യുദ്ധം അവസാനിച്ചാലും പരിസ്ഥിതിക്കുണ്ടാക്കിയ മുറിവുകൾ മായില്ല; യുഎസ്-ഇറാൻ സംഘർഷത്തിൽ മുന്നറിയിപ്പുമായി ഇറാൻ പ്രസിഡന്റ് മസൂദ് പെസെഷ്കിയാൻ
"യുദ്ധം മനുഷ്യരെയും അടിസ്ഥാന സൗകര്യങ്ങളെയും മാത്രമല്ല ലക്ഷ്യമിടുന്നത്; അത് വനങ്ങളെയും തണ്ണീർത്തടങ്ങളെയും ജലസ്രോതസ്സുകളെയും നശിപ്പിക്കുകയും, മണ്ണ് മലിനമാക്കുകയും, ആവാസവ്യവസ്ഥകളെ തകർക്കുകയും, ജീവജാലങ്ങളെ അവയുടെ വാസസ്ഥലങ്ങളിൽ നിന്ന് കുടിയൊഴിപ്പിക്കുകയും ചെയ്യുന്നു. കൂടാതെ, പ്രകൃതിദത്തമായ ചക്രങ്ങളിലേക്ക് രാസവസ്തുക്കളെയും ഘനലോഹങ്ങളെയും കടത്തിവിടുകയും ചെയ്യുന്നു. സംഘർഷം അവസാനിച്ചാലും വർഷങ്ങളോളം നീണ്ടുനിൽക്കുന്ന ദോഷകരമായ പ്രത്യാഘാതങ്ങളാണ് ഇതിലൂടെ ഉണ്ടാകുന്നത്," പെസെഷ്കിയാൻ പറഞ്ഞു.സായുധ സംഘർഷങ്ങൾക്കിടയിലുണ്ടാകുന്ന പാരിസ്ഥിക നാശം ഒരു ഉപോൽപ്പന്നം മാത്രമല്ല, മറിച്ച് ഭാവി തലമുറകളുടെ സുരക്ഷയെയും ക്ഷേമത്തെയും നേരിട്ട് ഭീഷണിപ്പെടുത്തുന്ന ഒന്നാണെന്ന് രാജ്യങ്ങൾ തിരിച്ചറിയേണ്ടതുണ്ടെന്ന് പ്രസിഡന്റ് കൂട്ടിച്ചേർത്തു.
ഇറാനിലും ഈ മേഖലയിലുമുള്ള സൈനിക സംഘർഷങ്ങൾ പരിസ്ഥിതിയിൽ ചെലുത്തുന്ന ആഘാതങ്ങളിൽ കൂടുതൽ ഗൗരവമായി ശ്രദ്ധ കേന്ദ്രീകരിക്കാൻ അദ്ദേഹം അന്താരാഷ്ട്ര സമൂഹത്തോട് ആവശ്യപ്പെട്ടു.
ഇറാനിലെ വ്യാവസായിക, ഊർജ്ജ കേന്ദ്രങ്ങൾക്ക് നേരെ അമേരിക്കയും ഇസ്രായേലും നടത്തിയ ആക്രമണങ്ങൾ, തീപിടുത്തങ്ങൾക്കും മലിനീകാരികളുടെ വ്യാപനത്തിനും, ജലത്തിന്റെയും മണ്ണിന്റെയും മലിനീകരണത്തിനും കാരണമായിത്തീർന്നുവെന്നും, അതുവഴി പ്രകൃതിദത്ത ആവാസവ്യവസ്ഥകളെയും പാരിസ്ഥിക അടിസ്ഥാന സൗകര്യങ്ങളെയും നശിപ്പിച്ചുവെന്നും പെസെഷ്കിയൻ പറഞ്ഞു.
ന്യൂസ്റൂം വാർത്തകളും തൊഴിലവസരങ്ങളും മുടങ്ങാതെ ലഭിക്കാൻ ഇവിടെ ക്ലിക്ക് ചെയ്ത് വാട്സ് ആപ് ലിങ്കിൽ ജോയിൻ ചെയ്യുക
https://chat.whatsapp.com/BiNNQsir7LfDXPzQgmIZ53?s=cl&p=a&mlu=4&ilr=4
വാർത്തകൾ അറിയിക്കാനും പരസ്യങ്ങൾക്കും 52000719 എന്ന നമ്പറിൽ മാത്രം ബന്ധപ്പെടുക
