ഹൂതി ആക്രമണം രൂക്ഷം; സൗദിയിലെ യുഎസ് എംബസി ജീവനക്കാരോട് രാജ്യം വിടാൻ നിർദേശം
സൗദി അറേബ്യക്കെതിരായ ഹൂതികളുടെ ശത്രുതാപരമായ നടപടികൾ വർധിച്ചുവരികയാണെന്നും വിമാനത്താവളങ്ങൾ ഉൾപ്പെടെയുള്ള നിർണായക അടിസ്ഥാന സൗകര്യങ്ങൾ ആക്രമണത്തിന് ഇരയാകുന്നുണ്ടെന്നും സ്റ്റേറ്റ് ഡിപ്പാർട്ട്‌മെന്റ് വക്താവ് ടോമി പിഗോട്ട് വ്യക്തമാക്കി. ഇത്തരം ആക്രമണങ്ങൾ സാധാരണക്കാരുടെ മരണത്തിനും യാത്രാസംവിധാനങ്ങളിൽ ഗുരുതരമായ തടസ്സങ്ങൾക്കും കാരണമായിട്ടുണ്ടെന്നും അദ്ദേഹം സമൂഹമാധ്യമത്തിലെ കുറിപ്പിൽ പറഞ്ഞു.
അമേരിക്കൻ ഉദ്യോഗസ്ഥരുടെയും അവരുടെ കുടുംബങ്ങളുടെയും സുരക്ഷയ്ക്കാണ് പരമപ്രാധാന്യം നൽകുന്നതെന്നും പിഗോട്ട് കൂട്ടിച്ചേർത്തു.
അതേസമയം, യുഎഇ, ജോർദാൻ, ഖത്തർ, ബഹ്‌റൈൻ എന്നിവിടങ്ങളിലെ യുഎസ് നയതന്ത്ര ഉദ്യോഗസ്ഥരുടെ ചില കുടുംബാംഗങ്ങളെയും തിരിച്ചുവിളിക്കുന്നുണ്ടെന്ന് മിഡിൽ ഈസ്റ്റിലെ ഒരു നയതന്ത്ര വൃത്തം എഎഫ്‌പിയോട് പറഞ്ഞു. എന്നാൽ, സൗദി അറേബ്യയിലെ യുഎസ് എംബസിയിൽ അടിയന്തര സേവന വിഭാഗത്തിൽപ്പെടാത്ത ജീവനക്കാരെയും അവരുടെ കുടുംബങ്ങളെയും രാജ്യം വിടാൻ നിർദേശിച്ചതാണ് ബുധനാഴ്ചത്തെ നടപടിയെന്ന് പിഗോട്ട് വിശദീകരിച്ചു.
ഹൂതി വിമതരുമായുള്ള സംഘർഷം രൂക്ഷമായതോടെ ഈ മാസം സൗദി അറേബ്യയ്ക്കു നേരെ മിക്ക ദിവസങ്ങളിലും ആക്രമണങ്ങൾ റിപ്പോർട്ട് ചെയ്യപ്പെട്ടിട്ടുണ്ട്. റിയാദ് അന്താരാഷ്ട്ര വിമാനത്താവളത്തിന് നേരെയുണ്ടായ ആക്രമണവും ഇതിൽ ഉൾപ്പെടുന്നു. കഴിഞ്ഞ ഏതാനും വർഷങ്ങൾക്കിടയിൽ സൗദി അറേബ്യ നേരിട്ട ഏറ്റവും മാരകമായ ആക്രമണങ്ങളിലൊന്നായിരുന്നു ഇതെന്നാണ് റിപ്പോർട്ട്.
മേഖലയിലെ സുരക്ഷാ സാഹചര്യം വഷളാകുന്നതിനിടെ അമേരിക്കയുടെ ഈ നടപടി സൗദിയിലെ സുരക്ഷാ ആശങ്കകൾക്ക് കൂടുതൽ പ്രാധാന്യം നൽകുന്നതാണ്.
ന്യൂസ്റൂം വാർത്തകളും തൊഴിലവസരങ്ങളും മുടങ്ങാതെ ലഭിക്കാൻ ഇവിടെ ക്ലിക്ക് ചെയ്ത് വാട്സ് ആപ് ലിങ്കിൽ ജോയിൻ ചെയ്യുക
https://chat.whatsapp.com/BiNNQsir7LfDXPzQgmIZ53?s=cl&p=a&mlu=4&ilr=4
ഇൻസ്റ്റഗ്രാം ഫോളോ ചെയ്യുക :https://www.instagram.com/newsroomme/?hl=en
വാർത്തകൾ അറിയിക്കാനും പരസ്യങ്ങൾക്കും 52000719 എന്ന നമ്പറിൽ മാത്രം ബന്ധപ്പെടുക.
