Truck loaded with stones have been parked at Jantar Mantar.
— Abhijeet Dipke (@abhijeet_dipke) July 20, 2026
What are the police authorities upto? Are they orchestrating stone-pelting on the peaceful CJP protesters? pic.twitter.com/luwTkVWI7S
ജൂലായ് 16-ന് ആറുപേർക്ക് പരിക്കേറ്റ അപകടവുമായി ബന്ധപ്പെട്ട് പിടിച്ചെടുത്ത വാഹനമാണിതെന്ന് ന്യൂഡൽഹി ഡി.സി.പി എക്‌സിലൂടെ (X) അറിയിച്ചു.
ഡി.സി.പിയുടെ വിശദീകരണം:
ജൂലായ് 16-ന് ഈക്കോ വാനും ട്രക്കും (HR63E 6865) കൂട്ടിയിടിച്ചുണ്ടായ അപകടത്തെ തുടർന്നാണ് ഈ വാഹനം പോലീസ് കസ്റ്റഡിയിലെടുത്തത്.പാർലമെന്റ് സ്ട്രീറ്റ് പോലീസ് സ്റ്റേഷനിൽ സ്ഥലപരിമിതി ഉള്ളതിനാൽ വാഹനം സമീപത്താണ് പാർക്ക് ചെയ്തിരുന്നത്. പിന്നീട് സുരക്ഷാ ക്രമീകരണങ്ങളുടെ ഭാഗമായി ജൂലായ് 20-ന് പുലർച്ചെ ഈ ട്രക്കിലെ ലോഡ് ഒഴിവാക്കി, ഉടമയ്ക്ക് നിർദേശം നൽകിയ ശേഷം മറ്റൊരു സുരക്ഷിത സ്ഥലത്തേക്ക് മാറ്റുകയായിരുന്നു.പ്രതിഷേധത്തിന് എതിരെ കല്ലുകൾ കൊണ്ടുവന്നതാണെന്ന വാദം അടിസ്ഥാനരഹിതമാണ്. ജനങ്ങൾ ഇത്തരം സ്ഥിരീകരിക്കാത്ത വാർത്തകൾ പ്രചരിപ്പിക്കരുതെന്നും ഔദ്യോഗിക വിവരങ്ങളെ മാത്രം ആശ്രയിക്കണമെന്നും ഡി.സി.പി അഭ്യർത്ഥിച്ചു.
സി.ജെ.പിയുടെ ആരോപണം:
ജന്തർ മന്തറിലെ സമാധാനപരമായ പ്രതിഷേധത്തെ തകർക്കാനും ആക്രമണങ്ങൾക്ക് വഴിയൊരുക്കി പ്രവർത്തകരെ വ്യാജക്കേസുകളിൽ കുടുക്കാനുമുള്ള ആസൂത്രിത നീക്കത്തിന്റെ ഭാഗമായാണ് ട്രക്ക് എത്തിച്ചതെന്ന് സി.ജെ.പി ആരോപിച്ചിരുന്നു. പ്രതിഷേധ സ്ഥലത്തേക്ക് ഈ വാഹനം എത്തിക്കാൻ ആരാണ് നിർദേശം നൽകിയതെന്ന് പോലീസ് വ്യക്തമാക്കണമെന്നും അവർ ആവശ്യപ്പെട്ടു.
ന്യൂസ്‌റൂം വാർത്തകളും തൊഴിലവസരങ്ങളും മുടങ്ങാതെ ലഭിക്കാൻ ഇവിടെ ക്ലിക്ക് ചെയ്ത് വാട്സ് ആപ് ലിങ്കിൽ ജോയിൻ ചെയ്യുക
https://chat.whatsapp.com/KFKQw8nVuAOHcfI9gZiLvd
