പത്തനംതിട്ട സ്വദേശിയെ ഒമാനിൽ ഹോട്ടൽ മുറിയിൽ മരിച്ച നിലയിൽ കണ്ടെത്തി
കഴിഞ്ഞ വെള്ളിയാഴ്ചയാണ് ബിജു ദുബായില്‍ നിന്ന് ബുറൈമിയില്‍ എത്തിയത്. താമസിച്ചിരുന്ന ഹോട്ടല്‍ മുറിയില്‍ മരിച്ച നിലയില്‍ കണ്ടെത്തുകയായിരുന്നു.
വര്‍ഷങ്ങളോളം ദുബായ് പാലസില്‍ ഇലക്ട്രീഷ്യനായും എ.സി മെക്കാനിക്കായും ജോലി ചെയ്തിരുന്നു. വിസ കാലാവധി കഴിഞ്ഞതിനെത്തുടര്‍ന്ന് ഡിസംബറില്‍ നാട്ടില്‍ പോയി മടങ്ങി വന്നതായിരുന്നു. സന്ദര്‍ശക വിസയില്‍ ദുബായിൽ എത്തിയ ബിജു, പുതിയ വിസ നടപടികള്‍ പൂര്‍ത്തിയാക്കാനാണ് ബുറൈമിയില്‍ എത്തിയത്.
പരേതനായ സാമുവല്‍ അബ്രഹാമിന്റെയും വത്സമ്മ അബ്രഹാമിന്റെയും മകനാണ്. ഭാര്യ ബിന്‍സി മസ്‌കത്തില്‍ ജോലി ചെയ്യുകയാണ്. ഏക മകന്‍: ഏബല്‍ (13).
റോയല്‍ ഒമാന്‍ പോലീസ് അറിയിച്ചതനുസരിച്ച് ഭാര്യ ബിന്‍സി ബുറൈമിയിലെത്തി തുടര്‍നടപടികള്‍ പൂര്‍ത്തിയാക്കി. പ്രവാസി വെല്‍ഫെയര്‍ ഒമാന്‍ പ്രവര്‍ത്തകര്‍ മരണാനന്തര നടപടിക്രമങ്ങള്‍ക്ക് നേതൃത്വം നല്‍കുന്നു.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ വാട്സ് ആപ് ലിങ്കിൽ ജോയിൻ ചെയ്യുക https://chat.whatsapp.com/IkS97YfYEOF9N5vIcYO5wJ
