ഇന്ധന സർചാർജ്,ഇൻഡിഗോയ്ക്ക് പിന്നാലെ വിമാനയാത്രാ നിരക്ക് കുത്തനെ കൂട്ടി മറ്റ് വിമാനക്കമ്പനികളും
രാജ്യത്തെ ഏറ്റവും വലിയ വിമാനക്കമ്പനിയായ ഇന്‍ഡിഗോ ഇക്കഴിഞ്ഞ 5 -ാം തിയതിയാണ് ആഭ്യന്തര രാജ്യാന്തര വിമാന യാത്ര നിരക്ക് കൂട്ടിയത്. ആഭ്യന്തര യാത്രകള്‍ക്ക് 100 മുതല്‍ 350 രൂപ വരെയാണ് വർധന. ഇൻഡിഗോ പിറ്റേന്ന് തന്നെ പുതിയ നിരക്കുകള്‍ പ്രാബല്യത്തിലാക്കുകയും ചെയ്തു. വിമാന ഇന്ധന വില കുതിച്ചുയർന്നതാണ് നിരക്ക് വർധിപ്പിക്കാൻ കാരണമെന്നാണ് ഇൻഡിഗോ വ്യക്തമാക്കിയത്. ആഭ്യന്തര സര്‍വീസുകളില്‍ യാത്രാദൂരത്തിന് അനുസരിച്ചാണ് നിരക്ക് കൂട്ടിയത്. 500 കിലോമീറ്റര്‍ വരെയുള്ള യാത്രയ്ക്ക് 375 രൂപയും 501 മുതല്‍ 1000 കിലോമീറ്റര്‍ വരെ 600 രൂപയുമാണ് പുതുക്കിയ ചാര്‍ജ്. 2000 കിലോമീറ്ററിന് മുകളിലുള്ള യാത്രയ്ക്ക് 1300 രൂപയും ഇന്ധന ചാര്‍ജായി നല്‍കണം. നേരത്തെ ഇത് യഥാക്രമം 275 ഉം 400 ഉം 950 ഉം ആയിരുന്നു. സമാനമായി രാജ്യാന്തര യാത്രകള്‍ക്ക് റൂട്ടിനും ദൂരത്തിനും അനുസരിച്ച്‌ 1000 രൂപ മുതല്‍ 10000 രൂപ വരെയായി സ്ലാബുകളില്‍ വർധനവുണ്ടായിട്ടുണ്ട്. ഇന്ത്യയില്‍ ലിറ്ററിന് 137 രൂപയാണ് വിമാന ഇന്ധന വില. ഒക്ടോബറില്‍ ഇന്ധന വില 16 രൂപ കൂട്ടിയിരുന്നു. പത്തുവർഷത്തിനിടെയുളള ഏറ്റവും ഉയർന്ന നിരക്കാണ് വിമാന ഇന്ധനത്തിനായി കമ്പനികള്‍ ചെലവഴിക്കുന്നതെന്ന് ഇൻഡിഗോ ചൂണ്ടിക്കാട്ടി.
ന്യൂസ്റൂം വാർത്തകളും തൊഴിലവസരങ്ങളും മുടങ്ങാതെ ലഭിക്കാൻ ഇവിടെ ക്ലിക്ക് ചെയ്ത് വാട്സ് ആപ് ലിങ്കിൽ ജോയിൻ ചെയ്യുക
https://chat.whatsapp.com/BiNNQsir7LfDXPzQgmIZ53?s=cl&p=a&mlu=4&ilr=4
വാർത്തകൾ അറിയിക്കാനും പരസ്യങ്ങൾക്കും 52000719 എന്ന നമ്പറിൽ മാത്രം ബന്ധപ്പെടുക
