സൗദിക്ക് നേരെ വീണ്ടും ആക്രമണം, പ്രൊജക്ടൈൽ പതിച്ച് രണ്ടുപേർക്ക് പരിക്കേറ്റു
സൗദിയിലേക്ക് കഴിഞ്ഞ ദിവസം ഇറാഖിൽ നിന്ന് നടത്തിയ ഡ്രോൺ ആക്രമണത്തിൽ ഈസ്റ്റ് വെസ്റ്റ് പൈപ്പ് ലൈനിന് തകരാർ സംഭവിച്ചിരുന്നു. ജീവനക്കാർക്ക് പരിക്കേൽക്കുകയും ചെയ്തു. ഇതേതുടർന്ന് പൈപ്പ്ലൈിലൂടെ എണ്ണ വിതരണം താൽക്കാലികമായി നിർത്തിവെച്ചിട്ടുണ്ട്. ദിവസങ്ങൾ മുമ്പ് ഹൂതികൾ നാല് സൗദി നഗരങ്ങളിൽ നടത്തിയ ആക്രമണത്തിൽ സ്ത്രീകളും കുട്ടികളും അടക്കം 73 പേർക്കും പരിക്കേറ്റിരുന്നു. അതിനിടെ ഇറാഖിന്‍റെ ഇറാൻ അതിർത്തിയോട് ചേർന്ന് ഡ്രോൺ ലോഞ്ചറുകൾ കണ്ടെത്തിയതായി റിപ്പോർട്ടുണ്ട്. സൗദിയിലേക്ക് ഇത്തരം കേന്ദ്രങ്ങളിൽ നിന്നാണ് ആക്രമണം നടന്നതെന്നാണ് സൂചന. ഇറാനുമായി സംയുക്തമായുള്ള അന്വേഷണത്തിന് ഇറാഖ് സന്നദ്ധത പ്രകടിപ്പിച്ചിട്ടുണ്ട്.
തിങ്കളാഴ്ച നടക്കുന്ന ജിസിസി- ഇറാൻ ഉച്ചകോടിയിയിൽ നിന്ന് ബഹ്റൈൻ പിൻമാറിയെന്ന് പ്രഖ്യാപിച്ചെങ്കിലും ലോകം ഈ യോഗത്തിലേക്ക് ഉറ്റുനോക്കുകയാണ്. ഹോർമുസ് കടലിടുക്ക് തുറക്കാനുള്ള വഴികൾ ഈ യോഗത്തിൽ ഉരുത്തിരിയുമെന്നാണ് പ്രതീക്ഷ. യോഗത്തിന് മുന്നോടിയായി ഇറാൻ- ഒമാൻ വിദേശകാര്യ മന്ത്രിമാർ ഫോണിൽ ചർച്ച നടത്തി. ഡൽഹിയിൽ ഇറാൻ പ്രസിഡന്‍റുമായി അബുദാബി കിരീടാവകാശിയും കൂടിക്കാഴ്ച നടത്തിയിരുന്നു. ഹോർമുസ് സംബന്ധിച്ച് ഇറാൻ-ഒമാൻ ധാരണയായെങ്കിലും അമേരിക്ക ഉപാധികൾ അംഗീകരിക്കാതെ കപ്പൽ പാത തുറക്കില്ലെന്ന നിലപാടിലാണ് ഇറാനുള്ളത്. എങ്കിലും ജിസിസി രാജ്യങ്ങളുമായുള്ള കൂടിക്കാഴ്ചയിൽ വഴിത്തിരിവുകൾ ഉണ്ടാകുമെന്നാണ് ലോകത്തിലെ വിവിധ രാജ്യങ്ങളുടെ പ്രതീക്ഷ.
ന്യൂസ്റൂം വാർത്തകളും തൊഴിലവസരങ്ങളും മുടങ്ങാതെ ലഭിക്കാൻ ഇവിടെ ക്ലിക്ക് ചെയ്ത് വാട്സ് ആപ് ലിങ്കിൽ ജോയിൻ ചെയ്യുക
https://chat.whatsapp.com/BiNNQsir7LfDXPzQgmIZ53?s=cl&p=a&mlu=4&ilr=4
