പൊതുബോധത്തിനപ്പുറം മുസ്ലിം സ്ത്രീ; യാഥാർഥ്യങ്ങൾ ചർച്ച ചെയ്ത് വിമൻ ഇന്ത്യ ഖത്തർ
ഷബാന മഖ്ബൂലിന്റെ ഖുർആൻ പാരായണത്തോടെ ആരംഭിച്ച പരിപാടിയിൽ വിമൻ ഇന്ത്യ ഖത്തർ പ്രസിഡന്റ് നസീമ എം. അധ്യക്ഷത വഹിച്ചു.മുൻ വൈസ് പ്രസിഡന്റ് ത്വയ്യിബ അർഷദ് മോഡറേറ്റർ ആയി.
എം ജി എം സെക്രെട്ടറി അയ്നു നുഹ, ഫോക്കസ് ഖത്തർ ട്രഷറർ ഫർസീന ലത്തീഫ്, ഖത്തർ ഇന്ത്യൻ ഓതേഴ്സ് ഫോറം പ്രതിനിധി സിദ്ദിഹ, നടുമുറ്റം പ്രതിനിധി റെജുല ഷഫീഖ് എന്നിവർ സമകാലിക മുസ്ലിം സ്ത്രീയുടെ സാമൂഹിക പങ്കാളിത്തം, വിദ്യാഭാസ പുരോഗതി, തുടങ്ങി വിഷയത്തിന്റെ വിത്യസ്ത തലങ്ങളും കാഴ്ചപ്പാടുകളും പങ്കുവെച്ചു.തുടർന്ന് നടന്ന തുറന്ന ചർച്ചയിൽ സദസ്സിലുള്ളവരും പങ്കുചേർന്നു. വിമൻ ഇന്ത്യ ഖത്തർ വൈസ് പ്രസിഡന്റ് മെഹർബാൻ കെ.സി. സമാപന പ്രസംഗം നടത്തി.
മുസ്ലിം സ്ത്രീകളുടെ സാമൂഹിക ദൗത്യത്തെ സംബന്ധിച്ച് വ്യാപകമായ വ്യാജ പ്രചാരണങ്ങളുടെയും തെറ്റിദ്ധരിപ്പിക്കലുകളുടെയും പശ്ചാത്തലത്തിൽ യാഥാർഥ്യങ്ങളും വസ്തുതകളും വിശകലനം ചെയ്യുകയും വ്യത്യസ്ത കാഴ്ചപ്പാടുകൾ പങ്കുവെക്കുകയും ചെയ്യുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്.
ന്യൂസ്റൂം വാർത്തകളും തൊഴിലവസരങ്ങളും മുടങ്ങാതെ ലഭിക്കാൻ ഇവിടെ ക്ലിക്ക് ചെയ്ത് വാട്സ് ആപ് ലിങ്കിൽ ജോയിൻ ചെയ്യുക
ഇൻസ്റ്റഗ്രാം ഫോളോ ചെയ്യുക :https://www.instagram.com/newsroomme/?hl=en
https://chat.whatsapp.com/BiNNQsir7LfDXPzQgmIZ53?s=cl&p=a&mlu=4&ilr=4
വാർത്തകൾ അറിയിക്കാനും പരസ്യങ്ങൾക്കും 52000719 എന്ന നമ്പറിൽ മാത്രം ബന്ധപ്പെടുക.
