പ്രതിരോധ മേഖലയിലെ സഹകരണത്തിൽ പുതിയ നീക്കം; നാല് രാജ്യങ്ങൾ ഖത്തറുമായി കൈകോർത്തു
നാല് രാജ്യങ്ങളും തമ്മിലുള്ള പ്രതിരോധ പങ്കാളിത്തം കൂടുതൽ ആഴത്തിലാക്കുകയും സൈനിക സഹകരണം ശക്തിപ്പെടുത്തുകയുമാണ് കരാറിന്റെ പ്രധാന ലക്ഷ്യം. സൈനിക അഭ്യാസങ്ങൾ, പരിശീലന പരിപാടികൾ, ഗവേഷണ-വികസന പ്രവർത്തനങ്ങൾ എന്നിവയിൽ സഹകരണം വർധിപ്പിക്കാനും പ്രതിരോധ വ്യവസായങ്ങളുടെ ശേഷി മെച്ചപ്പെടുത്തുന്നതിനുള്ള സംയുക്ത പദ്ധതികൾ നടപ്പാക്കാനും കരാർ വഴിയൊരുക്കും.
ഓരോ രാജ്യത്തിന്റെയും സവിശേഷമായ സൈനിക ഉൽപ്പാദനശേഷിയും സാങ്കേതിക വൈദഗ്ധ്യവും പ്രയോജനപ്പെടുത്തി പ്രതിരോധ മേഖലയിൽ കൂടുതൽ സംയോജനം സാധ്യമാക്കാൻ കരാർ സഹായിക്കുമെന്ന് തുർക്കി പ്രതിരോധ മന്ത്രാലയം വ്യക്തമാക്കി. സഹകരണത്തിലൂടെ പ്രതിരോധ വ്യവസായങ്ങളുടെ ശേഷി വർധിപ്പിക്കാനും സൗഹൃദ രാജ്യങ്ങളുടെയും പങ്കാളികളുടെയും ആവശ്യങ്ങൾ നിറവേറ്റാനും കഴിയുമെന്നാണ് പ്രതീക്ഷ.
പ്രതിരോധ വ്യവസായ മേഖലയിലെ സഹകരണത്തിന് സാമ്പത്തിക പ്രാധാന്യവുമുണ്ടെന്ന് മന്ത്രാലയം ചൂണ്ടിക്കാട്ടി. സംയുക്ത സംരംഭങ്ങളും സാങ്കേതിക സഹകരണവും വഴി നാല് രാജ്യങ്ങൾക്കും തങ്ങളുടെ പ്രതിരോധ ഉൽപ്പാദന ശേഷി മെച്ചപ്പെടുത്താൻ സാധിക്കുമെന്നാണ് വിലയിരുത്തൽ.
നാറ്റോയിലെ പ്രധാന സൈനിക ശക്തികളിലൊന്നായ തുർക്കി, സ്വന്തം പ്രതിരോധ വ്യവസായം വികസിപ്പിക്കുന്നതിനൊപ്പം ഖത്തർ ഉൾപ്പെടെയുള്ള ഗൾഫ് രാജ്യങ്ങളുമായും സൈനിക സഹകരണം ശക്തമാക്കിയിട്ടുണ്ട്. ഖത്തറിൽ തുർക്കിയുടെ സൈനിക താവളവുമുണ്ട്.
അതേസമയം, സൗദി അറേബ്യയുമായും പാകിസ്ഥാനുമായും തുർക്കി പ്രതിരോധ ബന്ധം കൂടുതൽ ശക്തിപ്പെടുത്താനുള്ള നീക്കങ്ങൾ നടത്തിയിട്ടുണ്ട്. പാകിസ്ഥാനുമായും ഇന്തോനേഷ്യയുമായും പ്രതിരോധ ഉൽപ്പാദന രംഗത്തും അങ്കാറയ്ക്ക് അടുത്ത ബന്ധമുണ്ട്.
നാല് രാജ്യങ്ങൾ തമ്മിലുള്ള പ്രതിരോധ സഹകരണം വിപുലീകരിക്കുന്നതിലൂടെ സൈനിക ശേഷി വർധിപ്പിക്കാനും പ്രതിരോധ വ്യവസായങ്ങൾ തമ്മിലുള്ള ബന്ധം ശക്തിപ്പെടുത്താനും പൊതുവായ സുരക്ഷാ ലക്ഷ്യങ്ങൾ കൈവരിക്കാനുമാണ് ലക്ഷ്യമിടുന്നതെന്ന് തുർക്കി പ്രതിരോധ മന്ത്രാലയം അറിയിച്ചു.
ന്യൂസ്റൂം വാർത്തകളും തൊഴിലവസരങ്ങളും മുടങ്ങാതെ ലഭിക്കാൻ ഇവിടെ ക്ലിക്ക് ചെയ്ത് വാട്സ് ആപ് ലിങ്കിൽ ജോയിൻ ചെയ്യുക
https://chat.whatsapp.com/BiNNQsir7LfDXPzQgmIZ53?s=cl&p=a&mlu=4&ilr=4
ഇൻസ്റ്റഗ്രാം ഫോളോ ചെയ്യുക :https://www.instagram.com/newsroomme/?hl=en
വാർത്തകൾ അറിയിക്കാനും പരസ്യങ്ങൾക്കും 52000719 എന്ന നമ്പറിൽ മാത്രം ബന്ധപ്പെടുക.
