ഗൾഫ് കപ്പിൽ ഇന്ന് ഖത്തർ യു.എ.ഇ-യെ നേരിടും,ഫൈനൽ ഒക്ടോബർ 6-ന്
ഗ്രൂപ്പിലെ ആദ്യ രണ്ട് മത്സരങ്ങളും വിജയിച്ച് ആറ് പോയന്റുകളോടെ ഇരു ടീമുകളും ഇതിനകം സെമിഫൈനൽ യോഗ്യത ഉറപ്പാക്കിയിട്ടുണ്ട്. മികച്ച ഗോൾ ശരാശരിയുടെ കരുത്തിൽ യു.എ.ഇ ആണ് ഗ്രൂപ്പിൽ ഒന്നമാത്. അവസാന ഗ്രൂപ്പ് മത്സരത്തിൽ സമനില വഴങ്ങിയാലും യു.എ.ഇക്ക് ബി ഗ്രൂപ്പിൽ ഒന്നാമതായി സെമിയിലേക്ക് സീറ്റുറപ്പിക്കാം.യെമനെ 4-0നും ബഹ്‌റൈനെ 3-0നും തകർത്താണ് യു.എ.ഇ ഗ്രൂപ്പ് ഘടത്തിലെ അവസാന മത്സരത്തിനിറങ്ങുന്നത്. അതേസമയം, ആദ്യ മത്സരങ്ങളിൽ ബഹ്‌റൈനെ 2-0നും യെമനെ 1-0നും പരാജയപ്പെടുത്തിയാണ് ഖത്തർ ഇന്നത്തെ പോരാട്ടത്തിന് ഇറങ്ങുന്നത്.
ഗ്രൂപ്പിലെ മറ്റൊരു മത്സരത്തിൽ ബഹ്‌റൈനും യെമനും പ്രിൻസ് അബ്ദുല്ല അൽ ഫൈസൽ സ്പോർട്സ് സിറ്റി സ്റ്റേഡിയത്തിൽ ഏറ്റുമുട്ടും. ബി ഗ്രൂപ്പിലെ വിജയികൾ ഒക്ടോബർ മൂന്നിന് നടക്കുന്ന സെമിഫൈനലിൽ എ ഗ്രൂപ്പിലെ റണ്ണേഴ്‌സ് അപ്പുമായി ഏറ്റുമുട്ടും. ഗ്രൂപ്പ് എയിലെ വിജയികൾ ബി ഗ്രൂപ്പിലെ രണ്ടാം സ്ഥാനക്കാരെയും നേരിടും.കപ്പുയർത്താനുള്ള കലാശപ്പോരാട്ടം ഒക്ടോബർ 6ന് നടക്കും.
ന്യൂസ്റൂം വാർത്തകളും തൊഴിലവസരങ്ങളും മുടങ്ങാതെ ലഭിക്കാൻ ഇവിടെ ക്ലിക്ക് ചെയ്ത് വാട്സ് ആപ് ലിങ്കിൽ ജോയിൻ ചെയ്യുക
https://chat.whatsapp.com/BiNNQsir7LfDXPzQgmIZ53?s=cl&p=a&mlu=4&ilr=4
