പോരാട്ടം ഇനി ഇന്ത്യയിലേക്ക്;അണ്ടർ-18 ബാസ്‌ക്കറ്റ്‌ബോൾ ഏഷ്യൻ കപ്പിൽ തിളങ്ങാൻ ഖത്തർ സംഘം
ചെക്ക് റിപ്പബ്ലിക്കിൽ നടക്കുന്ന 2027-ലെ FIBA അണ്ടർ-19 ലോകകപ്പിനുള്ള യോഗ്യതാ ടൂർണമെന്റ് കൂടിയാണ് ഏഷ്യൻ കപ്പ്. ഇതിൽ മികച്ച നാല് ടീമുകൾക്ക് ലോകകപ്പ് യോഗ്യത ലഭിക്കും.ഗൾഫ് യോഗ്യതാ മത്സരങ്ങളിലെ മികച്ച പ്രകടനത്തിന് ശേഷം, തുർക്കിഷ് പരിശീലകനായ സെൻഗിസ് കരാഡാഗിന്റെ കീഴിൽ ദോഹയിൽ പരിശീലന ക്യാമ്പ് നടത്തി തയ്യാറെടുപ്പുകൾ പൂർത്തിയാക്കിയാണ് ടീം ഇന്ത്യയിലേക്ക് തിരിക്കുന്നത്.
ഖത്തർ ബാസ്‌ക്കറ്റ്‌ബോൾ ഫെഡറേഷൻ സെക്രട്ടറി ജനറലും ദേശീയ ടീമുകളുടെ ഡയറക്ടറുമായ സാദൂൺ സബാഹ് അൽ കുവാരിയാണ് സംഘത്തെ നയിക്കുന്നത്.അബ്ദുല്ല യാസിൻ, തമീം അഷ്‌റഫ് അബു ഇസ, സിയാദ് അൽ ബിതാർ, മുആദ് ഒമർ മൂസ, അസം മുഹമ്മദ് യാക്കൻ, സിയാദ് തമർ അൽ ജൗഹാരി, മുഹമ്മദ് സയീദ് ബദ്‌രി, മഹ്മൂദ് താമർ ഇബ്രാഹിം, അമേർ ഷാഹി ഇബ്രാഹിം മൂസ, യൂസ് മൊഹദ് ഇക്കെന്ന, ഒവെൻ അബ്ദുൾ ഇക്കെന്ന എന്നിവരാണ് ടീമിലുള്ളത്. (ക്യുഎൻഎ)
ന്യൂസ്‌റൂം വാർത്തകളും തൊഴിലവസരങ്ങളും മുടങ്ങാതെ ലഭിക്കാൻ ഇവിടെ ക്ലിക്ക് ചെയ്ത് വാട്സ് ആപ് ലിങ്കിൽ ജോയിൻ ചെയ്യുക
https://chat.whatsapp.com/KFKQw8nVuAOHcfI9gZiLvd
