പുതിയ സംവിധാനത്തോടെ നികുതിദായകർ ഉൽപ്പന്നങ്ങളുടെ പരിശോധനാ സർട്ടിഫിക്കറ്റുകൾ ധരീബ പ്ലാറ്റ്‌ഫോമിൽ നേരിട്ട് അപ്‌ലോഡ് ചെയ്യേണ്ടതില്ല. ലബോറട്ടറികളും നികുതി അതോറിറ്റിയും തമ്മിലുള്ള നേരിട്ടുള്ള ഡിജിറ്റൽ സംയോജനത്തിലൂടെയാണ് വിവരങ്ങൾ കൈമാറുക.
- എങ്ങനെയാണ് പുതിയ സംവിധാനം പ്രവർത്തിക്കുക?
പരിശോധനയിലൂടെ പഞ്ചസാരയുടെയും മറ്റ് മധുരം നൽകുന്ന ഘടകങ്ങളുടെയും തരവും അളവും നിർണയിക്കും. പരിശോധനാഫലങ്ങൾ അംഗീകരിച്ചുകഴിഞ്ഞാൽ, ബന്ധപ്പെട്ട വിവരങ്ങളും വിശകലന സർട്ടിഫിക്കറ്റും ലബോറട്ടറിയിൽനിന്ന് ധരീബ പ്ലാറ്റ്‌ഫോമിലേക്ക് സ്വമേധയാ കൈമാറും.
ഇതോടെ നികുതി അതോറിറ്റിയിലെ ഉദ്യോഗസ്ഥർക്ക് പരിശോധനാ ഫലങ്ങൾ നേരിട്ട് ലഭിക്കുകയും ഉൽപ്പന്ന രജിസ്ട്രേഷൻ അപേക്ഷകളുടെ നടപടികൾ കൂടുതൽ വേഗത്തിൽ പൂർത്തിയാക്കാൻ സാധിക്കുകയും ചെയ്യും.
- നികുതിദായകർക്ക് നടപടികൾ എളുപ്പമാകും
മധുരം ചേർത്ത പാനീയങ്ങൾക്ക് ബാധകമായ എക്സൈസ് നികുതിയുടെ പരിധി വിപുലീകരിക്കുന്ന നടപടികളുമായി ബന്ധപ്പെട്ടാണ് ഈ ഡിജിറ്റൽ സംയോജനം നടപ്പാക്കുന്നത്.
ബന്ധപ്പെട്ട സ്ഥാപനങ്ങളുമായി ഇലക്ട്രോണിക് സംവിധാനങ്ങൾ ബന്ധിപ്പിക്കുക, ഉൽപ്പന്ന രജിസ്ട്രേഷൻ ഓട്ടോമേറ്റ് ചെയ്യുക, ഡിജിറ്റൽ സേവനങ്ങൾ മെച്ചപ്പെടുത്തുക എന്നിവയിലൂടെ നികുതി നടപടികൾ കൂടുതൽ കാര്യക്ഷമമാക്കുകയാണ് ജനറൽ ടാക്സ് അതോറിറ്റിയുടെ ലക്ഷ്യം.
ന്യൂസ്‌റൂം വാർത്തകളും ജോലി സംബന്ധമായ അറിയിപ്പുകളും മുടങ്ങാതെ ലഭിക്കാൻ :
വാട്സ് ആപ്
???? https://chat.whatsapp.com/BiNNQsir7LfDXPzQgmIZ53?s=cl&p=a&mlu=4&ilr=4
ഇൻസ്റ്റഗ്രാം
???? https://www.instagram.com/newsroomme/?hl=en
????വാർത്തകൾ അറിയിക്കാനും പരസ്യങ്ങൾക്കും 52000719
