2027-ൽ ഖത്തറും കുവൈത്തും ശക്തമായ സാമ്പത്തിക മുന്നേറ്റം നടത്തുമെന്ന് ഇന്റർനാഷണൽ മോണിറ്ററി ഫണ്ട് (IMF)
ഹോർമുസ് കടലിടുക്കിലെ ദീർഘകാല അടച്ചിടലും നിലവിലെ യു.എസ്-ഇറാൻ സംഘർഷങ്ങളും കാരണം 2026-ൽ മിഡിൽ ഈസ്റ്റിലെ മൊത്തം സാമ്പത്തിക വളർച്ച 0.7 ശതമാനത്തിലേക്ക് ചുരുങ്ങുമെങ്കിലും, 2027-ൽ ശക്തമായ തിരിച്ചുവരവ് (V-Shaped Recovery) ഉണ്ടാകുമെന്നാണ് ഐ.എം.എഫ് വിലയിരുത്തൽ.
ഗൾഫ് മേഖലയുടെ (Middle East & Central Asia) മൊത്തത്തിലുള്ള വളർച്ച 2027-ൽ 6.5 ശതമാനമായി ഉയരും. എണ്ണ, പ്രകൃതിവാതകം (LNG), ശുദ്ധീകരണ ഉത്പന്നങ്ങൾ എന്നിവയുടെ കയറ്റുമതി പൂർണ്ണതോതിൽ പുനഃസ്ഥാപിക്കപ്പെടുന്നതാണ് ഇതിന് പ്രധാന കാരണം. ഗൾഫിലെ ഏറ്റവും വലിയ സമ്പദ്‌വ്യവസ്ഥയായ സൗദി അറേബ്യയും 2027-ൽ 5.5 ശതമാനം വളർച്ചയോടെ ശക്തമായ മുന്നേറ്റം നടത്തും.
മേഖലയിലെ നിലവിലെ സംഘർഷാവസ്ഥ താൽക്കാലിക പ്രതിസന്ധികൾ സൃഷ്ടിക്കുന്നുണ്ടെങ്കിലും, അടുത്ത വർഷത്തോടെ ഊർജവിപണി സാധാരണ നിലയിലാകുന്നതോടെ കുവൈത്തും ഖത്തറും സാമ്പത്തിക രംഗത്ത് വൻ കുതിപ്പ് നടത്തുമെന്നാണ് ഐ.എം.എഫ് കണക്കുകൾ വ്യക്തമാക്കുന്നത്.
ന്യൂസ്‌റൂം വാർത്തകളും തൊഴിലവസരങ്ങളും മുടങ്ങാതെ ലഭിക്കാൻ ഇവിടെ ക്ലിക്ക് ചെയ്ത് വാട്സ് ആപ് ലിങ്കിൽ ജോയിൻ ചെയ്യുക
https://chat.whatsapp.com/KFKQw8nVuAOHcfI9gZiLvd
