ഖത്തറിൽ ഇനി കായികമൽസരങ്ങൾ സ്റ്റേഡിയത്തിലിരുന്ന് കണ്ടാൽ റിവാർഡ് പോയിന്റുകൾ; ആരാധകർക്കായി വിപ്ലവകരമായ ആപ്പുമായി ഖത്തർ
ഓരോ മത്സരത്തിലും പങ്കെടുക്കുമ്പോൾ ലഭിക്കുന്ന ഒരു 'ടയർ പോയിന്റ്' വഴി അംഗത്വ നിലവാരം (membership tier) ഉയർത്താനാവും.മത്സരത്തിൽ പങ്കെടുത്തതായി സ്ഥിരീകരിക്കുമ്പോൾ ഓരോ തവണയും 1,000 'ഹയ്യോ പോയിന്റുകൾ' ലഭിക്കും.
ആനുകൂല്യങ്ങൾ:
ഹയ്യോ റിവാർഡ്സ് കാറ്റലോഗ് വഴി ഭക്ഷണം, പാനീയങ്ങൾ, ടെലികോം, വിനോദം, ഹോട്ടലുകൾ, വാഹന സേവനങ്ങൾ തുടങ്ങിയ വിവിധ മേഖലകളിലെ പ്രമുഖ ഉൽപ്പന്നങ്ങളും ആനുകൂല്യങ്ങളും പോയിന്റുകൾ ഉപയോഗിച്ച് സ്വന്തമാക്കാം.
പോയിന്റുകൾ നേടാൻ ചെയ്യേണ്ടത് :
ടിക്കറ്റ് വാങ്ങുമ്പോൾ തന്നെ ഹയ്യോ (Hayyoh) ഐഡി നൽകിയോ ആപ്പ് വഴി ടിക്കറ്റിംഗ് വെബ്‌സൈറ്റ് സന്ദർശിച്ചോ അക്കൗണ്ടുമായി ടിക്കറ്റുകൾ ബന്ധിപ്പിക്കണം. മത്സരത്തിൽ പങ്കെടുത്തതായി സ്ഥിരീകരിച്ചാലുടൻ പോയിന്റുകൾ അക്കൗണ്ടിലെത്തും. ഉപയോക്താക്കൾക്ക് തങ്ങളുടെ അക്കൗണ്ടിൽ കുടുംബാംഗങ്ങളെയും (dependents) ചേർക്കാവുന്നതാണ്.
ഗൂഗിൾ പ്ലേ (Google Play), ആപ്പ് സ്റ്റോർ (App Store) എന്നിവയിൽ നിന്ന് 'Hayyoh' ആപ്പ് സൗജന്യമായി ഡൗൺലോഡ് ചെയ്യാം. രജിസ്റ്റർ ചെയ്യുന്നതിനായി ഉപയോക്താക്കൾ സാധുവായ ഖത്തർ ഐഡി (QID) വിവരങ്ങൾ നൽകേണ്ടതുണ്ട്.
ന്യൂസ്‌റൂം വാർത്തകളും തൊഴിലവസരങ്ങളും മുടങ്ങാതെ ലഭിക്കാൻ ഇവിടെ ക്ലിക്ക് ചെയ്ത് വാട്സ് ആപ് ലിങ്കിൽ ജോയിൻ ചെയ്യുക
https://chat.whatsapp.com/KFKQw8nVuAOHcfI9gZiLvd
