രണ്ടാമത് ഖത്തർ ബോട്ട് ഷോയ്ക്ക് ദോഹ ഓൾഡ് തുറമുഖത്ത് പ്രൗഢോജ്വല തുടക്കം
ആദ്യ പതിപ്പിനെ അപേക്ഷിച്ച് പങ്കാളിത്തത്തിൽ 25 ശതമാനം വർധനവ് രേഖപ്പെടുത്തിയതോടെ, മേഖലയിലെ ഏറ്റവും വേഗത്തിൽ വളരുന്ന സമുദ്ര പ്രദർശനമായി ഖത്തർ ബോട്ട് ഷോ മാറി.
മേളയിൽ പങ്കെടുക്കുന്ന 50 ശതമാനത്തിലധികം പ്രദർശകരും പ്രാദേശിക ഖത്തരി കമ്പനികളെ പ്രതിനിധീകരിക്കുന്നവയാണ് യാച്ചിംഗിനും ആഡംബര ടൂറിസത്തിനും വളർന്നുവരുന്ന കേന്ദ്രമെന്ന നിലയിൽ ഖത്തറിന്റെ സ്ഥാനം ശക്തിപ്പെടുത്തുന്നത് കൂടിയാണ് മേള.മാത്രമല്ല, പ്രദർശിപ്പിച്ചിരിക്കുന്ന ബോട്ടുകളുടെ 55 ശതമാനവും 2025 മോഡലുകളാണ്.ഇത് ബോട്ട് ഷോയുടെ നൂതനത്വവും സാങ്കേതിക പുരോഗയുമാണ് അടയാളപ്പെടുത്തുന്നത്.
കടലിനോടുള്ള ഖത്തറിന്റെ ആത്മബന്ധം പ്രതിഫലിപ്പിക്കുന്ന കലാസൃഷ്ടികൾ സന്ദർശകർക്ക് ആസ്വദിക്കാനും മേളയിൽ അവസരമുണ്ട്. സംസ്കാരം, വ്യാപാരം, സമൂഹം — ഈ മൂന്നു ഘടകങ്ങളെയും ഒരുമിപ്പിക്കുന്ന കേന്ദ്രമായി ഓൾഡ് ദോഹ പോർട്ട് മാറിക്കൊണ്ടിരിക്കുകയാണെന്ന് ഈ പ്രദർശനം തെളിയിക്കുന്നു.
രാജ്യത്തിന്റെ സമുദ്ര യാത്രയ്ക്ക് അഭിമാനകരമായ നിമിഷമാണ് 2025 ബോട്ട് ഷോയുടെ ഉൽഘാടന ചടങ്ങെന്ന് ഓൾഡ് ദോഹ തുറമുഖത്തിന്റെ സിഇഒയും ഖത്തർ ബോട്ട് ഷോ സംഘാടക സമിതി ചെയർമാനുമായ എഞ്ചിനീയർ മുഹമ്മദ് അബ്ദുല്ല അൽ മുല്ല പറഞ്ഞു.ആദ്യ ദിവസത്തെ ശ്രദ്ധേയമായ സന്ദർശക പങ്കാളിത്തം സമുദ്ര വ്യവസായത്തോടുള്ള വർദ്ധിച്ചുവരുന്നഅദ്ദേഹം കൂട്ടിച്ചേർത്തു.
ഒരു ദിവസത്തെ ടിക്കറ്റിന് 50 റിയാലാണ് വില. നവംബർ അഞ്ചു മുതൽ എട്ടുവരെയുള്ള എല്ലാ ദിവസത്തെയും പാസിന് 160 റിയാലാണ് നൽകേണ്ടത്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ വാട്സ് ആപ് ലിങ്കിൽ ജോയിൻ ചെയ്യുക https://chat.whatsapp.com/CtoEHfFq0qo2AQky7j1xx4
