ഖത്തറിന്റെ വളർച്ചയിൽ സ്വകാര്യമേഖലയുടെ പങ്ക് നിർണായകം,ആരോഗ്യമേഖലയിൽ കൂടുതൽ മുന്നേറ്റമുണ്ടാവുമെന്നും ഷെയ്ഖ് ഫൈസൽ
'ഖത്തറിന്റെ ആരോഗ്യ സംരക്ഷണ സംവിധാനത്തെ ശക്തിപ്പെടുത്തുന്നതിൽ സ്വകാര്യ മേഖല നിർണായക പങ്ക് വഹിക്കുന്നു.ഈ മേഖലയിൽ കൈവരിക്കുന്ന നേട്ടങ്ങൾ പ്രത്യേകം എടുത്തുപറയേണ്ടതാണ്.ആശുപത്രികൾ, പ്രത്യേക മെഡിക്കൽ സെന്ററുകൾ, പിന്തുണാ സേവനങ്ങൾ എന്നിവയിൽ ഗണ്യമായ നിക്ഷേപം നടന്നിട്ടുണ്ട്.ഇവയെല്ലാം ആരോഗ്യ സംരക്ഷണ മേഖലയിലെ അടിസ്ഥാന സൗകര്യ വികസനത്തിന് സഹായിക്കുന്നവയാണ്'-അദ്ദേഹം കൂട്ടിച്ചേർത്തു.
ഡിജിറ്റൽ പരിവർത്തനവും ആസൂത്രിതമായ ദേശീയ ആരോഗ്യ ഇൻഷുറൻസ് പദ്ധതിയും ഈ മേഖലയിൽ പുതിയ അവസരങ്ങൾ തുറക്കുന്നുണ്ടെന്ന് അദ്ദേഹം അഭിപ്രായപ്പെട്ടു.
സുസ്ഥിരതാ ലക്ഷ്യങ്ങൾ കൈവരിക്കുന്നതിൽ വ്യാവസായിക മേഖല നിർണായക പങ്ക് വഹിക്കുന്നു.പ്രത്യേകിച്ച് പുതിയ ഉൽ‌പാദന സാങ്കേതികവിദ്യകൾ സ്വീകരിക്കുന്നതിലൂടെയും മാലിന്യങ്ങൾ കുറയ്ക്കുന്നതിനുള്ള ശ്രമങ്ങളിലൂടെയുമാണ് ഈ നേട്ടങ്ങൾ കൈവരിക്കാൻ കഴിയുന്നത്. ”അദ്ദേഹം പറഞ്ഞു.ഫാക്ടറികളിലും വ്യാവസായിക സൗകര്യങ്ങളിലും വൈദ്യുതി ഉൽപ്പാദിപ്പിക്കുന്നതിനായി സൗരോർജ്ജത്തിൽ നിക്ഷേപിക്കുന്നത് സാമ്പത്തികമായും സാങ്കേതികമായും ഇപ്പോൾ എക്കാലത്തേക്കാളും പ്രായോഗികമാണെന്നും ഷെയ്ഖ് ഫൈസൽ ചൂണ്ടിക്കാട്ടി.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ വാട്സ് ആപ് ലിങ്കിൽ ജോയിൻ ചെയ്യുക https://chat.whatsapp.com/CtoEHfFq0qo2AQky7j1xx4
