ഖത്തർ ഇന്ത്യൻ എംബസി ഫസ്റ്റ് സെക്രട്ടറി ഡോ. ഈഷ് സിംഗാളിന് ഐസിബിഎഫ് യാത്രയയപ്പ് നൽകി
ഇന്ത്യൻ എംബസി ഫസ്റ്റ് സെക്രട്ടറിയും എഡ്യൂക്കേഷൻ ആൻഡ് കൾച്ചർ വിഭാഗം മേധാവിയുമായ ഹരീഷ് പാണ്ഡെ, ഡോ. ഈഷ് സിംഗാളുമൊത്തുള്ള തന്റെ ദീർഘകാല സൗഹൃദം അനുസ്മരിച്ചു.ഖത്തറിലെ 27 മാസത്തെ സേവനകാലയളവിൽ ഡോ. ഈഷ് സിംഗാൾ നൽകിയ സംഭാവനകളെ ഡെപ്യൂട്ടി ചീഫ് ഓഫ് മിഷനും ചാർജ് ഡി അഫയേഴ്സുമായ സന്ദീപ് കുമാർ അഭിനന്ദിച്ചു. സമീപകാലത്തുണ്ടായ പ്രാദേശിക പ്രതിസന്ധി ഘട്ടങ്ങളിലും റാസ് ലഫാൻ അപകടസമയത്തും സമൂഹത്തിലെ അംഗങ്ങളിലേക്ക് നേരിട്ടെത്തി ആവശ്യക്കാർക്ക് സഹായം എത്തിക്കാൻ അദ്ദേഹം നടത്തിയ ശ്രമങ്ങളെ അദ്ദേഹം പ്രത്യേകം അനുസ്മരിച്ചു.ഖത്തറിന് ഡോ. ഈഷ് സിംഗാളിന്റെ സാന്നിധ്യം നഷ്ടമാകുമെന്നും അദ്ദേഹത്തിന്റെ ഭാവി പ്രവർത്തനങ്ങൾക്ക് വിജയങ്ങൾ ആശംസിക്കുന്നുവെന്നും അദ്ദേഹം കൂട്ടിച്ചേർത്തു.
ഇന്ത്യൻ എംബസി അപെക്സ് ബോഡികളുടെയും ഐസിബിഎഫുമായി സഹകരിക്കുന്ന സംഘടനകളുടെയും പ്രതിനിധികൾ ഡോ. സിംഗാളിന് പൂച്ചെണ്ടുകളും ഉപഹാരങ്ങളും നൽകി ആദരിച്ചു. യാത്രയയപ്പ് ചടങ്ങ് സംഘടിപ്പിച്ചതിന് ഐസിബിഎഫ്, മറ്റ് അപെക്സ് ബോഡികൾ, അനുബന്ധ സംഘടനകൾ, ഇന്ത്യൻ സമൂഹം എന്നിവരോട് ഡോ. ഈഷ് സിംഗാൾ മറുപടി പ്രസംഗത്തിൽ നന്ദി രേഖപ്പെടുത്തി. ഖത്തറിലെ തന്റെ സേവനകാലം ഏറെ ആസ്വദിച്ചതായും തന്റെ കഴിവിന്റെ പരമാവധി ഇന്ത്യൻ സമൂഹത്തെ സഹായിക്കാൻ ശ്രമിച്ചിട്ടുണ്ടെന്നും അദ്ദേഹം പറഞ്ഞു. സേവനകാലത്തുടനീളം തനിക്ക് നൽകിയ വലിയ പിന്തുണയ്ക്ക് ഇന്ത്യൻ എംബസിയിലെ സഹപ്രവർത്തകർക്കും അദ്ദേഹം നന്ദി അറിയിച്ചു.
ഐസിസി പ്രസിഡന്റ് എ. പി. മണികണ്ഠൻ, ഐ.എസ്.സി പ്രസിഡന്റ് ഇ. പി. അബ്ദുൽ റഹ്മാൻ, ഐബിപിസി വൈസ് പ്രസിഡന്റ് അബ്ദുൽ സത്താർ, ഐസിബിഎഫ് ഉപദേശക സമിതി ചെയർമാൻ കെ. എസ്. പ്രസാദ്, പ്രോഗ്രാം കമ്മിറ്റി ചെയർമാൻ കെ. വി. ബോബൻ എന്നിവർ ആശംസകൾ നേർന്നു.ഐസിബിഎഫ് ജനറൽ സെക്രട്ടറി ദീപക് ഷെട്ടി പരിപാടിയുടെ അവതാരകനായിരുന്നു. ഡോ. സിംഗാളിന്റെ മാനുഷികമായ സമീപനത്തെയും ഇന്ത്യൻ സമൂഹത്തിനിടയിൽ അദ്ദേഹം നേടിയ ജനപ്രീതിയെയും അദ്ദേഹം എടുത്തുപറഞ്ഞു. മാതൃകാപരമായ പ്രവർത്തനങ്ങൾക്ക് ഇന്ത്യൻ രാഷ്ട്രപതി, കേന്ദ്ര ആഭ്യന്തര മന്ത്രി, ലോക്സഭാ സ്പീക്കർ എന്നിവരിൽ നിന്ന് ലഭിച്ച ബഹുമതികൾ ഉൾപ്പെടെയുള്ള ഡോ. സിംഗാളിന്റെ ഔദ്യോഗിക നേട്ടങ്ങളും ഷെട്ടി അനുസ്മരിച്ചു.എംബസിയിലെ ലേബർ സെക്ഷൻ മേധാവി മിസ്റ്റർ രവി രാതി അതിഥിയായി ചടങ്ങിൽ പങ്കെടുത്തു.
മുൻ ഐസിബിഎഫ് പ്രസിഡന്റുമാരായ പി. എൻ. ബാബുരാജൻ, അബ്ദുൽ ഖാദർ, അപെക്സ് ബോഡി ഭാരവാഹികൾ, മാനേജിംഗ് കമ്മിറ്റി അംഗങ്ങൾ, അനുബന്ധ സംഘടനകളുടെ നേതാക്കൾ, കമ്മ്യൂണിറ്റി പ്രതിനിധികൾ എന്നിവരും പങ്കെടുത്തു.ഐസിബിഎഫ് സെക്രട്ടറി ജാഫർ തയ്യിൽ നന്ദി രേഖപ്പെടുത്തി..ഐസിബിഎഫ് മാനേജിംഗ് കമ്മിറ്റി അംഗങ്ങളായ മണി ഭാരതി, ഇർഫാൻ അൻസാരി, നീലാംബരി സുശാന്ത്, അമർ വീർ സിംഗ്, ഖാജ നിസാമുദ്ദീൻ, ശങ്കർ ഗൗഡ് എന്നിവരും ഉപദേശക സമിതി അംഗങ്ങളായ ജാവേദ് അഹമ്മദ്, നാസിയ സിയാവുദ്ദീൻ എന്നിവർ ചടങ്ങ് ഏകോപിപ്പിച്ചു.
ന്യൂസ്‌റൂം വാർത്തകളും തൊഴിലവസരങ്ങളും മുടങ്ങാതെ ലഭിക്കാൻ ഇവിടെ ക്ലിക്ക് ചെയ്ത് വാട്സ് ആപ് ലിങ്കിൽ ജോയിൻ ചെയ്യുക
https://chat.whatsapp.com/KFKQw8nVuAOHcfI9gZiLvd
