ആരാധകർക്കായി ആകർഷകമായ ഓഫറുകളോടെയുള്ള 'ഡേ പാസ്', 'പ്രൈം പാസ്' സൗകര്യങ്ങളാണ് സംഘാടകർ ഒരുക്കിയിരിക്കുന്നത്:
ഡേ പാസ് (Day Pass): ഗ്രൂപ്പ് ഘട്ടം, റൗണ്ട് ഓഫ് 32, പ്രീ ക്വാർട്ടർ, ക്വാർട്ടർ മത്സരങ്ങൾക്ക് 20 ഖത്തരി റിയാലാണ് ഒരു ദിവസത്തെ നിരക്ക്. ഒരു മാച്ച് ഡേയിൽ ഒരാൾക്ക് പരമാവധി ആറ് പാസുകൾ വരെ വാങ്ങാം. ഇതുവഴി ഒരു ദിവസം നടക്കുന്ന ഒന്നിലധികം മത്സരങ്ങൾ കാണുന്നതിനും ഫാൻ സോണിലെ സാംസ്കാരിക-വിനോദ പരിപാടികളിൽ പങ്കെടുക്കാനും സാധിക്കും.
പ്രൈം പാസ് (Prime Pass): കൂടുതൽ ആരാധകരെത്തുന്ന മത്സരങ്ങളിൽ സീറ്റുകൾ നേരത്തെ ഉറപ്പാക്കാൻ 35 ഖത്തരി റിയാൽ നിരക്കിൽ പ്രൈം പാസുകൾ തിരഞ്ഞെടുക്കാം. സെമി ഫൈനൽ വരെയുള്ള മത്സരങ്ങൾക്ക് ഇത് ലഭ്യമാണ്. സ്റ്റേഡിയങ്ങളിലെ സൗകര്യത്തിനനുസരിച്ച് പ്രൈം പാസുകളുടെ എണ്ണം പരിമിതപ്പെടുത്തിയിട്ടുണ്ട്.
ഫൈനൽ ടിക്കറ്റുകൾ: ഫൈനൽ മത്സരത്തിന് കാറ്റഗറി 1-ന് 30 റിയാലും കാറ്റഗറി 2-ന് 15 റിയാലുമാണ് നിരക്ക്. ഒരാൾക്ക് പരമാവധി 6 ടിക്കറ്റുകൾ വരെ വാങ്ങാം.
ഭിന്നശേഷിക്കാർക്കുള്ള സൗകര്യം: ഭിന്നശേഷിയുള്ള ആരാധകർക്കായി പ്രത്യേക പ്രവേശന ടിക്കറ്റുകളും ഒപ്പം ഒരു കൂട്ടാളിക്ക് സൗജന്യ ടിക്കറ്റും ലഭിക്കും. ഇവർക്ക് accessibility.tickets@sc.qa എന്ന ഇമെയിൽ വഴി ബന്ധപ്പെടാവുന്നതാണ്.
- മത്സരക്രമവും വിവരങ്ങളും:
നവംബർ 19 മുതൽ ഡിസംബർ 13 വരെ അസ്പയർ സോണിലെ അത്യാധുനിക കോംപ്ലക്സിലാണ് മത്സരങ്ങൾ അരങ്ങേറുന്നത്. 48 ടീമുകൾ മാറ്റുരയ്ക്കുന്ന ടൂർണമെന്റിൽ ആകെ 104 പോരാട്ടങ്ങളാണുള്ളത്. കലാശപ്പോരാട്ടത്തിന് അഹമ്മദ് ബിൻ അലി സ്റ്റേഡിയം വേദിയാകും.
ആതിഥേയരായ ഖത്തർ ഗ്രൂപ്പ് എ-യിലാണ് മത്സരിക്കുന്നത്. ഈജിപ്ത്, ഗ്രീസ്, പനാമ എന്നിവരാണ് ഗ്രൂപ്പിലെ മറ്റ് ടീമുകൾ. നവംബർ 19-ന് വൈകുന്നേരം 6.30-ന് പനാമയുമായാണ് ഖത്തറിന്റെ ആദ്യ മത്സരം. കഴിഞ്ഞ ടൂർണമെന്റിലെ ജനപ്രിയ മാസ്കോട്ടായ 'ബോമ' (Boma) തന്നെയാണ് ഈ വർഷത്തെയും ഔദ്യോഗിക മാസ്കോട്ട്.
ന്യൂസ്‌റൂം വാർത്തകളും ജോലി സംബന്ധമായ അറിയിപ്പുകളും മുടങ്ങാതെ ലഭിക്കാൻ :
വാട്സ് ആപ്
???? https://chat.whatsapp.com/BiNNQsir7LfDXPzQgmIZ53?s=cl&p=a&mlu=4&ilr=4
ഇൻസ്റ്റഗ്രാം
???? https://www.instagram.com/newsroomme/?hl=en
????വാർത്തകൾ അറിയിക്കാനും പരസ്യങ്ങൾക്കും 52000719
